ایستر (پولی‌نزیایی جه: راپا نوئی (معنی: گتِ راپا))، (ایسپانیولی جه: Isla de Pascua) اتا جزیره هسته که آرام اوقیانوس جنوبی‌قِسمِت دله دره و شیلی شنه. این جزیره شه وسّه اتا سِواءِ استان حیساب وانه. ونه نزدیک‌ترین جزیره سالائی گومز (Sala-y-Gomez) هسته که ۴۰۰ کیلومتری شرق ایستر قرار بَیته و ونه استان دله حیساب وانه.
این جزیره‌ی گتی (=مساحت) ۱۶۳٫۶ کیلومتر مربع و ونه جمعیت ۳٬۷۹۱ نفر هسته (سرشماری ۲۰۰۲). ۳٬۳۰۴ نفر ِاین جمعیت جزیره‌ی نیشتنگا (=پایتخت) دله که شهر هانگا روآ هسته، زندگی کانّه.
این جزیره‌ی قدیمی ساکنین چیزهای جالبی شه جه ارث بی‌یشتنه که توریسم ره تقویت هاکرده. من‌جمله موئا و رونگورونگو
